Skip to main content

Te wātaka o te Tiriti o Waitangi
Timeline of te Tiriti o Waitangi the Treaty of Waitangi

Ākona te wātaka o Te Tiriti o Waitangi, me ngā rā nui o te waihanga, ki te waitohu, ki te tiaki hoki. Ka kite hoki koe i ngā kōrero hītori mō te whakaaturanga hoki ki te iwi tūmatanui.

Learn about the timeline of te Tiriti o Waitangi, including important dates relating to its inception, signing and care. You'll also find information about the history of its display to the public.

Select your language

1814

Ka tīmata te noho o ngā mihinare Peretānia ki Aotearoa.

1833

Ka tū a James Busby hei Kirinoho Matua mō Peretānia.

1835-1839

He Whakaputanga o te Rangatiratanga o Nu Tireni — he mea waitohu e ngā rangatira 52 o te raki. Ka noho a James Busby hei ringa āwhina, ā, he mea whakamana tēnei ki roto o Peretānia. He maha nga wā i waitohua te Whakaputanga, i waenga i te 28 o Ōketopa 1835 me te 22 o Hūrae 1839.

1839

Ka tohutohu te kāwanatanga o Peretānia i a Kāpene William Hobson, he āpiha heremana i tuku pūrongo mō Aotearoa i te tau 1837, ki te whiriwhiri i te rironga o te tino rangatiratanga o Aotearoa, me te whakatū i tētahi koroni Peretānia.

1840

I waitohua te Te Tiriti o Waitangi tūturu e Hobson me ngā rangatira ki Waitangi i Te Pēwhairangi i te 6 o Pēpuere. Ka tukua ngā tārua ki ngā pito o te motu puta noa i te 7 marama hei waitohu mā ētahi atu rangatira.

Ka kauhautia e Hobson te tino rangatiratanga o Peretānia i runga ake o Aotearoa i te 21 o Mei.

1841

Ka tata te tahuna o ngā tuhinga o Te Tiriti o Waitangi i te wā i wera ngā tari o te kāwanatanga i Tāmaki Makaurau. I waimaria i a George Elliott, te karaka mauhanga, nāna te Tiriti me te Hīri o te Koroni i whakaora i mua tata o te weranga. Nō muri ka waiho e ia Te Tiriti ki te Tari o te Hēkeretari Koroni, otirā ka noho ki reira tae noa ki te 1865 pea.

1869

Ka tono te Kaunihera Ture kia tāruatia ngā tuhinga katoa o te Tiriti - tae atu ki tana putanga hukihuki - kia whārikihia ki te tēpu. Engari ko te pūrongo ake, kāore i kitea te tuhinga hukihuki i te Tari Māori, i te Tari rānei a te Hēkeretari Koroni. Ka whakaputaina ngā kupu me te whakamāoritanga hei tirotiro mā te Kaunihera Ture me ngā tuhipoka nā WB Baker, te kaiwhakamāori o te Tari Māori. Nō ngā tau i muri ake ka kitea ngā tuhipoka o te Tiriti hukihuki.

1877

Ka whakaputaina e te kāwanatanga he tārua o ngā tuhinga rerekē e pā ana ki te Tiriti tae atu ki Te Whakaputanga o Te Rangatiratanga o Nū Tīrene 1835, ngā tuhipoka hukihuki o te Tiriti me ngā whārangi e 9 o Te Tiriti o Waitangi.

1908

Ka rokohanga Te Tiriti o Waitangi i te papa pūwhenua o ngā Whare Kāwanatanga "e noho kino ana, i kainga pea e te kiore" e Tākuta Thomas Morland Hocken, he tākuta, he kaihītoria hoki. Ka noho ko Te Tari Taiwhenua hei kaitiaki i te Tiriti, ā, ka tukua ki te Kaitohutohu o te Whare Taonga o Aotearoa ki te tiro mēnā ka taea te whakatikatika.

1913

Ka tāpirihia ngā whārangi taketake ki te kānawehi hou, ā, ka whakahouhia ngā wāhanga i tūkinohia e ngā kiore - i runga anō i te tauira o ngā tārua o te 1877. Nō te haumanutanga, ka whakaurua ki tētahi "puoto tini motuhake" kei roto i te taiwhanga mārōrō o Te Tari Taiwhenua kei ngā Whare Kāwanatanga tawhito.

1927

Ka tīmata ngā kōrero i waenga i Te Whare Pukapuka o Alexander Turnbull, Te Whare Pukapuka Pāremata me Te Tari Taiwhenua mō tētahi whakaaturanga tūmatanui o Te Tiriti o Waitangi.

1931

Ka puta i Te Minita o Te Tari Taiwhenua he reta e marohi ana ki te neke i Te Tiriti o Waitangi ki waho ake o Pōneke, i muri i te rū whenua i Te Matau-a-Māui i te 1931.

1940

Ka whakaaturia Te Tiriti o Waitangi ki te iwi mō te wā tuatahi ki Waitangi tonu, hei wāhanga o ngā whakanuitanga kotahi rautau.

1957

Nā te whakamanatanga o te Ture Rua Mahara (Archives Act) 1957, ka noho te Tiriti hei kaupapa pūranga ōkawa ki ngā whakaritenga o te Ture, ā, ka tukua te mana tiaki ki Te Rua Mahara o te Kāwanatanga me Te Tari Taiwhenua.

1961

I te 30 o Hānuere, ka whiti te Tiriti ki Te Whare Pukapuka o Alexander Turnbull hei "whakaatu tika i raro anō i ngā āhuatanga hāngai, kia kore e whakaero, kia rite mai he Taiwhanga Whakaatu i Te Rua Mahara o te Kāwanatanga". Kua tāutaina Te Tiriti ki tētahi kēhi whakaatu motuhake i te tomokanga o te whare pukapuka, ā, ka huraina e Te Minita o Te Tari Taiwhenua i te 6 o Pēpuere.

c.1977

Ka tangohia e ngā kairokiroki o Te Whare Pukapuka o Alexander Turnbull te papanga o muri, i te mea i te tūkinohia e te papanga ngā tuhinga.

c.1978

Ka tangohia te Tiriti i te kēhi whakaatu, ā, ka whakahokia ki Te Rua Mahara o te Kāwanatanga.

1979

Ka tahuri ngā kaimahi rokiroki i Te Rua Mahara o te Kāwanatanga ki te whakatikatika i ētahi tuhinga, i runga i ngā tohutohu a SM Cockerell, he kairokiroki rongonui o Peretānia.

1981

Ka kuhuna tētahi kōpaki here, me te Tiriti o Waitangi i roto, ki tētahi kiato i te Pēke Matua o Aotearoa e Te Rua Mahara o te Kāwanatanga.

1991

Ka tuwhera rawa te Taiwhanga Turepapa o Te Rua Mahara o te Kāwanatanga i te 9 o Tīhema, ā, ko ngā whārangi e 9 o Te Tiriti o Waitangi - tae atu ki ētahi atu tuhinga tūāpapa o Aotearoa - ka whakaaturia pūmautia mō te wā tuatahi.

1997

Kua tāia te Tiriti ki te Rēhita Pūmahara o te Ao a UNESCO hei tohu i te hiranga tukipū i ngā hītori o te ao.

2017

Ko te Tiriti - me Te Petihana Mana Wahine me He Whakaputanga — ka nekehia i te Taiwhanga Turepapa o Te Rua Mahara o te Kāwanatanga, ki te whakaaturanga toi whanake-hou o Te Puna Mātauranga o Aotearoa, a He Tohu.

1814

British missionaries begin to settle in New Zealand.

1833

James Busby becomes British Resident.

1835-1839

He Whakaputanga o te Rangatiratanga o Nu Tireni — the Declaration of Independence of the United Tribes of New Zealand — is signed by 52 northern rangatira (chiefs). James Busby aids in the process, and it is acknowledged by the United Kingdom. It is signed on several occasions between 28 October 1835 and 22 July 1839.

1839

The British government instructs Captain William Hobson, a naval officer who had reported on New Zealand in 1837, to negotiate obtaining sovereignty over New Zealand and set up a British colony.

1840

The original Tiriti o Waitangi document is signed by Hobson and rangatira at Waitangi in the Bay of Islands on 6 February. Copies are also sent to various parts of New Zealand over a 7-month period for other rangatira to sign.

Hobson proclaims British sovereignty over New Zealand on 21 May.

1841

Te Tiriti o Waitangi documents narrowly escape destruction by fire when the government offices at Auckland burn down. Record clerk George Eliott arrives just in time to rescue the Treaty and the Seal of the Colony. Afterwards he deposits the Treaty in the Colonial Secretary’s Office, where it remains until at least 1865.

1869

The Legislative Council asks for a reproduction of all the Treaty documents — plus its rough draft — to be laid on the table. But it's reported that the draft is not on record in either the Native Department or the Colonial Secretary’s Office. The text and translation are published for the Legislative Council with notes by WB Baker, translator to the Native Office. Notes on the draft of the Treaty appear to have come to light during the next few years.

1877

The government publishes facsimiles of various documents relating to the Treaty including the Declaration of Independence 1835, the draft notes of the Treaty and the 9 sheets of te Tiriti o Waitangi.

1908

Te Tiriti o Waitangi is discovered in the basement of the Government Buildings “in damaged condition presumably rat eaten” by Dr Thomas Morland Hocken, a physician and historian. The Department of Internal Affairs takes charge of the Treaty, and it is sent to the Director of the Dominion Museum to see if it can be restored.

1913

The original sheets are glued on to new canvas and — with the aid of the 1877 facsimiles — the portions that had been damaged by rats are reproduced. Once restored it's placed in “a specially made tin cylinder” which is kept in the strong room of the Department of Internal Affairs in the old Government Buildings.

1927

Discussions between the Alexander Turnbull Library, General Assembly Library and the Department of Internal Affairs begin about possible public display of te Tiriti o Waitangi.

1931

A Memoranda to the Minister of Internal Affairs suggests moving te Tiriti o Waitangi outside of Wellington following the 1931 Hawkes Bay earthquake.

1940

Te Tiriti o Waitangi is displayed to the public for the first time at Waitangi as part of the centennial commemorations.

1957

With the passage of the Archives Act 1957, the Treaty becomes an official archive subject to the provisions of the Act and custody is given to the National Archives in the Department of Internal Affairs.

1961

On 30 January, the Treaty is transferred to the Alexander Turnbull Library for “suitable display under proper conditions to prevent deterioration until such time as the National Archives had its own Exhibition Room”. The Treaty is installed in a showcase built for it in the entrance hall of the library and is unveiled by the Minister of Internal Affairs on 6 February.

c.1977

Conservators working at the Alexander Turnbull Library remove the cloth backing when it is found to be causing damage to the documents.

c.1978

The Treaty is removed from public display and returned to the National Archives.

1979

Conservation staff at National Archives carry out repairs on some of the documents with the advice of SM Cockerell, a prominent British conservator.

1981

A sealed package containing the Treaty of Waitangi is deposited in the safe of the Reserve Bank of New Zealand by National Archives.

1991

The Archives New Zealand's Constitution Room officially opens on 9 December and the 9 sheets of te Tiriti o Waitangi — along with other founding documents of New Zealand — are put on permanent display for the first time.

1997

The Treaty is inscribed on the UNESCO Register of the Memory of the World in recognition of its universal significance in world history.

2017

The Treaty — along with the Women's Suffrage Petition and He Whakaputanga — moves from Archives New Zealand's Constitution Room to a state-of-the-art exhibition at the National Library, He Tohu.

Te rārangi wā o ngā waitohu o Te Tiriti o Waitangi
Timeline of signatures on te Tiriti o Waitangi

He 7 marama te roa e waitohutia ana Te Tiriti o Waitangi puta noa i Aotearoa. Tirohia te maha o ngā waitohu me te rā i waitohua ia whārangi i raro.

Te Tiriti o Waitangi was signed across New Zealand over a period of 7 months. View the number of signatures and the date each sheet was signed below.